Neurovision ™ Müalicəsi Kimlərə Tətbiq Olunur?

Xəstənin müalicəyə uyğun olub-olmaması ətraflı müayinə nəticəsində müəyyən edilir.

10-55 yaş arası, görmə kəskinliyi 15-20%-dən çox, çəplik dərəcəsi 8 prizmadan aşağı olan və gözdə görmə qabiliyyətinə maneə törədən başqa patologiyası olmayan xəstələr müalicəyə uyğun hesab edilir.

Neurovision ™ Müalicəsi Necə Tətbiq Olunur?

Müalicəyə uyğun görülən xəstənin ilk seansı, həkim tərəfindən xəstəxanada edilir. Müalicə təxminən 40 seansdan ibarətdir və hər seans təxminən 30-40 dəqiqə çəkir. Xəstəxanada oftalmoloq tərəfindən keçirilən ilk seansdan sonra, xəstə bunun üçün uyğun şərait yarada biləcəyi təqdirdə, ona verilən kompyuter proqramından istifadə edərək müalicənin qalan hissəsini evdə və ya işdə tətbiq edə bilər. Neurovision ™ tətbiqinin 1-2 seansından sonra proqram xəstənin görmə səviyyəsini təyin edir və hər seansdan sonra kompyuterdə qeyd olunan bu məlumatlara uyğun olaraq fərdi bir xəstə məlumatı yaradılır. Xəstə bu məlumatları tətbiq etməyə başlayır. Həkimin aylıq müayinədən sonra sistemə daxil etdiyi görmə kəskinliyi və kontrast həssaslığı haqqında məlumatlar fərdi müalicə prosesinin inkişafını təyin etməyə imkan verir.

Neurovision ™ Müalicəsində Müvəffəqiyyət

Müalicənin uğurlu olması üçün seanslar həftədə 3 gün (bir gün aralıqla) hər biri 40 dəqiqə olmaqla mütəmadi olaraq tətbiq olunmalıdır.

Xəstənin müalicəsinin gedişatını görmək üçün 5, 10, 20 və 40-cı seanslardan sonra həkim nəzarəti lazımdır. Daimi seanslar və həkim nəzarəti sayəsində 3-4 ay ərzində müalicədən nəticə əldə edilə bilər.

Neurovision ™ Müalicəsinin Xüsusiyyətləri

• 10-55 yaş arası insanlarda tənbəl göz müalicəsi üçün tətbiq olunan bir üsuldur.

• Əməliyyatsız və dərmansız  müalicə üsuludur.

• Xəstə üçün heç bir yan təsiri  və heç bir riski yoxdur.

• Amerika FDA (Amerika Dərman və Qida İdarəsi) tərəfindən təsdiqlənmiş bir üsuldur.

• Tətbiqin böyük bir hissəsi ev şəraitində edilə bilər.