Göz sinirin iltihabı (optik nevrit) ən çox 18-45 yaş arası olan qadınlarda, birtərəfli ağrılı görmə itkisi ilə meydana gələn göz xəstəliyidir. İmmunitet sisteminin pisləşməsi nəticəsində bir atak şəklində meydana gəlir. Xəstə gözdə rəng hissiyatı və parlaqlıq da azalır. Ödem, xəstələrin təxminən 1/3 hissəsində optik sinirin ön hissəsində meydana gəlir. Əksər hallarda beynin yaxınlığında (arxada) sinirin tutulması baş verir.

Diaqnoz mərhələsində klinikamızda VEP (potensial test), OKT (Optik Uyğunluq Tomoqrafiyası Skaneri) və sinir liflərinin vizualizasiyası və kompyuterləşdirilmiş görmə sahəsinin müayinəsi aparılır.

İşemik Optik Neyropatiya

Optik siniri qidalandıran kapilyar tıxanmalardan sonra sinirdə ödem və qan yığılması baş verir. Hipertenziya və diabet xəstələrində tez-tez rast gəlinir. Müalicə üçün gözdaxili inyeksiya edilə bilər.

Optik Sinirin İntoksikasiyası

Ən çox etambutolda (vərəmin müalicəsində istifadə olunan dərman) və metil spirti zəhərlənməsində (odekolon, araq və s.) rast gəlinir. Xəstə gecikmədən müraciət edərsə, müalicə oluna bilər.

İrsi Optik Neyropatiya

Leberin optik neyropatiyası, ana tərəfindən ötürülən ikitərəfli  görmə itkisidir. Xaricdə bu xəstəlik üçün müalicəvi və ya görmə qabiliyyətini yaxşılaşdıran bir dərman istehsal etməyə başladılar.

Travmatik Optik Neyropatiya

Göz və ya baş zərbəsindən sonra inkişaf edir. Müalicə üçün erkən müdaxilə vacibdir.

Edilən Prosedurlar:

ELEKTROFİZİOLOGİYA
FFA (Göz angioqrafiyası)
OKT (Optik Sinir Tomoqrafiyası)
VEP (beyin və göz arasındakı görmə yolları)