Torlu qişanın qopması, torlu qişada yırtıq və ya dəliklər səbəbindən olur. Çox vaxt yüksək miopiyalı  xəstələrdə rast gəlinir. Bu, hər yaşda, xüsusilə orta və yaşlı yaşlarda baş verə bilər.

Torlu qişa gözün ön və arxa diametrinin artması ilə dartılır və onun dartılma sahəsi nazikləşməyə və dəyişməyə başlayır. Bəzi irsi və ya degenerativ xəstəliklər və infeksiyalar zamanı da torlu qişa nazikləşə və dəyişə bilər. Eyni zamanda, eyni səbəblərə görə, şüşəyəbənzər cisim həmcinsliyi itməyə və dəyişməyə başlayır, onun konsistensiyası dəyişir və tədricən torlu qişadan ayrılır. Bu ayrılma şüşəyəbənzər cismin qopması adlanır. Əgər torlu qişanın qopması qısa müddətdə müalicə olunmazsa, bu, qismən və ya tam görmə itkisinə səbəb ola bilər.

Torlu Qişanın Qopmasının Səbəbləri və Əlamətləri

Torlu qişa xəstəlikləri müalicə olunmazsa, bu daimi korluğa gətirib çıxara bilər. İşıq partlayışı, milçəklərin uçuşu, ani görmə itkisi kimi əlamətlər, torlu qişanın qopması kimi ciddi bir göz xəstəliyinindən xəbər verə bilər. Erkən diaqnoz, ətraflı müayinə, vaxtında və ən əsası, düzgün müalicə ilə görmə itkisinin qarşısını almaq olar.  Torlu qişada aparılan əməliyyatlar dəqiq sterilizasiya tədbirləri və yüksək texnologiyalardan istifadə tələb edən ciddi əməliyyatlardır, əks halda nəticə görmə itkisi ola bilər.

Mərkəzi görmə, makulanın (gözün görmə mərkəzi) altaki toxumadan ayrıldığı zaman itirilir. Uzun müddətli ayrılmalar zamanı gözdaxili balans pozulur və göz alması kiçilməyə başlayır. Şəkərli diabet və bəzi degenerativ xəstəliklər zamanı şüşəyəbənzər cisimdə torlu qişanı dartan zolaqlar yaranır ki, bu da aralanmağa səbəb ola bilər. Nadir hallarda olsa da, lakin qopma, hətta daha öncə dəliklər olmadan da, bəzi infeksiyalar, şişlər və ya xüsusilə hamiləlik zamanı yaranan hipertoniya krizlari zamanı da inkişaf edə bilər.